“Azerbaycan yaxın vaxtlarda Ümumdünya Ticaret Teşkilatına üzv olacaq”

Heydər Babayev: “Artıq ticarət təşkilatına 30 dan çox qanunvericilik aktının yeni layihəsi təqdim olunub”    Azərbaycan yaxın vaxtlarda Ümumdünya Ticarət Təşkilatına (ÜTT) üzv olacaq. Bu barədə Ümumdünya Ticarət Təşkilatına üzvülüklə bağlı komissiyanın rəhbəri iqtisadi inkişaf naziri Heydər Babayev məlumat verib. H.Babayev konkret vaxtın deyilməsinin çətin olduğunu bildirsə də, qanunvericiliyin uyğunlaşdırılması prosesinin son mərəhələdə olduğunu qeyd edib: «Artıq ticarət təşkilatına 30 dan çox qanunvericilik aktının yeni layihəsi təqdim olunub. Azərbaycan tərəfi yeni gömrük tarifləri ilə bağlı təkliflərini də danışıqlar apardığı ölkələrə göndərib. İki tərəfli danışıqlara gəldikdə isə, Türkiyə ilə protokol imzalayan Azərbaycan Gürcüstan, Birləşmiş Ərəb Əmirlikləri və Omanla da müvafaiq sənədi imzalamağa çox yaxındır».     Nazir bildirib ki, Amerika Birləşmiş Ştatları və Avropa Birliyi ölkələri ilə isə danışıqlar ləng gedir. Buna səbəb isə Azərbaycanın ÜTT-yə inkişaf etməkdə olan ölkə kimi üzv qəbul olmaq istəyidir. Bu ölkələr isə Azərbaycanın inkişaf etmiş ölkə statusunda qəbulunun tərəfdarıdırlar. Qeyd edək ki, Azərbaycan inkişaf etməkdə olan ölkə statusu ilə üzv olarsa, onda bir çox əlavə güzəştlər əldə edə bilər. /ANS TV/© 2007 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir