Lenkeranda PALMALİ-nin süd zavodu fealiyyete başlayıb

                                                

Lənkəranda PALMALİ-nin süd zavodu fəaliyyətə başlayıbSon texnalogiyalarla təchiz olunmuş zavod gündə 100 tondan artıq südü emal etmək imkanına malikdir                                                
    Palmali şirkəti tərəfindən Lənkəran şəhərində inşa olunmuş süd emalı zavodu PAL SÜD ticarət nişanı adı altında süd məmulatlarının istehsalına başlayıb. Bu barədə ANS PRESS-ə  PALMALİ Şirkətlər Qrupunun mətbuat xidmətindən məlumat verilib. Məlumatda bildirilir ki, son texnalogiyalarla təchiz olunmuş zavod gündə 100 tondan artıq südü emal etmək imkanına malikdir. 

    Lənkəran və ətraf rayonlarda tədarük olunan xam süd zavodun müasir labaratoriyasında mikrobioloji və  kimyəvi analizdən keçirilir və ondan keyfiyyətli məhsullar istehsal edilir. Keyfiyyəti yoxlanıldıqdan sonra süd pasterizə və sterilizə edilir və steril paketlərə qablaşdırılır. PAL SÜD ticarət nişanı altında zavod saxlanma müddəti 4 ay olan pasterizə olunmuş Uzun Ömürlü Süd, Bəyaz Pendir, Qatıq, Qaymaq, Ayran, Xama, Kərəyağı, Kəsmik olmaqla 25 çeşiddə süd məmulatları istehsal edəcək.

    İlk vaxtlar daxili bazarın ehtiyacını ödəyəcək zavod yaxın illərdə istehsalı genişləndirərək xarici ölkələrə də hazır məhsul ixrac etməyi planlaşdırır. Bununla yanaşı, Palmali zavodu xammal ilə təchiz etmək üçün ətraf rayonlarda heyvandarlığın inkişafına yönələn tədbirlər də görür.

    Süd zavodu ətraf rayonlardan 3000-ə yaxın fermer və şəxsi təsərrüfatlardan xam südü toplamaqla yanaşı 150-yə yaxın insanı işlə təmin etməyi palanlaşdırır./ANS PRESS/© 2007 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.