Neftin qiymeti yeni rekordunu vurub

                    

Nyu-York birjasında neftin bareli 5 faizə qədər bahalaşaraq 100 dollar 10 sent olub    Dünya bazarında neftin qiyməti yeni rekordunu vurub. Ötən gün Nyu-York birjasında neftin bareli 5 faizə qədər bahalaşaraq 100 dollar 10 sent olub. Amma birja bağlanarkən neftin qiyməti yenidən 99 dollara düşüb. Bahalaşma Azərbaycan neftinin də qiymətinə təsir edib.
Ötən gün Azəri Layt markalı neft 3 faizə qədər bahalaşaraq 98 dollar 53 sent olub. Bu isə neftin 50 dollarlıq büdcə qiymətindən təxminən 2 dəfə çoxdur.

Türkiyenin xarici işler naziri Eli Babacan rusiyalı hemkarı ile görüşüb

Görüşdə Türkiyə ilə Rusiya arasında regionda təhlükəsizlik və terorla mübarizə sahəsində əməkdaşlıq məsələri müzakirə edilib    Bu gün Türkiyənin xarici işlər naziri Əli Babacan rusiyalı həmkarı Sergey Lavrovla görüşüb. Görüşdə iki ölkə arasında ticari, iqtisadi əlaqələr, regionda təhlükəsizlik və terorla mübarizə sahəsində əməkdaşlıq məsələri müzakirə edilib. Rusiyanın xarici işlər naziri Sergey Lavrov bildirib ki, Qara dənizdə Bleksifor hərbi qruplaşması fəaliyyət göstərir. Hərbi qruplaşma mandatına uyğun olaraq tezliklə terorçuluq hallarına qarşı mübarizə sahəsində, kütləvi qırğın sialahların və onların kompoentilərinin yayılmasına qarşı mübarizəyə başlayacaq.

Valyutanın tenzimlenmesi haqqında qanuna deyişiklik edilib

Yeni dəyişikliyə əsasən, ölkədən pulların çıxarılmasına qoyulan rüsum ləğv olunubValyuta tənzimlənməsi haqqında qanuna dəyişikliklər edilib. Həmin dəyişikliyə əsasən, Nazirlər Kabineti ölkədən nağd pulların çıxarılmasına qoyulan rüsumları ləğv edib.

Azerbaycan keçen il iqtisadi inkişaf tempine göre qabaqcıl ölkelerden biri olub

2007-ci ildə iqtisadiyyatın artım tempi 30 faizə çatıb

Ötən il Azərbaycan iqtisadi inkişaf tempinə görə, Mərkəzi və Şərqi Avropa, eləcə də MDB-yə daxil olan ölkələri üstələyib və iqtisadi inkişaf üzrə lider ölkəyə çevrilib. Avropa yenidənqurma və inkişaf bankının keçid dövründə islahatların gedişi və iqtisadi inkişaf üzrə açıqlanan hesabatında bildirilir ki, 2007-ci ildə iqtisadiyyatın artım tempi 30 faizə çatıb və 2008-ci ildə onların stabil səviyyədə – 25 faiz səviyyəsində qalacağı proqnozlaşdırılır. Lakin regionda inflyasiyanın artım tempinin gözlənilən enişinə baxmayaraq, Azərbaycanda istehlakçı qiymətlərinin indeksi 2008-ci ildə, 16 faizə qalxacaq.