MDB-de valyuta tenzimlenmesi üzre saziş layihesi qebul edilib

Sənəd mayın 23-də MDB hökumət başçıları şurasının Minskdə keçiriləcək iclasında müzakirəyə çıxarılacaq

Müstəqil Dövlətlər Birliyi (MDB) iqtisadi şurasının iclasında «MDB ölkələrində valyuta tənzimlənməsi və valyuta nəzarəti siyasətinin əsas prinsipləri haqqında» saziş layihəsi qəbul edilib.

APA-nın yaydığı məlumata görə, bu sənəd mayın 23-də MDB hökumət başçıları şurasının Minskdə keçiriləcək iclasında müzakirəyə çıxarılacaq. Saziş layihəsi şura tərəfindən bəyənildikdən və quruma üzv ölkələrin parlamentləri tərəfindən təsdiq edildikdən sonra, 2 il ərzində birlik dövlətlərinin rezidentləri arasında valyuta əməliyyatlarının aparılması sahəsində demək olar ki, bütün məhdudiyyətlər aradan götürüləcək.

Qeyd edək ki, bu məhdudiyyətlər idxal-ixrac əməliyyatları, qeyri-ticarət xarakterli köçürmələr və daşınmaz əmlakın alınması ilə bağlı valyuta əməliyyatlarına aiddir.