Microsoft brushes off economic worries

By Chris Nuttall in San Francisco

Published: April 24 2008 22:35 | Last updated: April 24 2008 23:22

Microsoft on Thursday brushed off broader economic worries to give a confident projection of double-digit growth over the next year, although short-term weakness in sales of its core Windows product sent its shares sliding in after-hours trading.

Son bir ildə Azərbaycanda qiymətlər 23,37 faiz artıb

İqtisadi Tədqiqatlar Mərkəzi inflyasiyanın əsas səbəbinin inhisarçılıq, korrupsiya və idxal mallarının bahalaşması olduğunu bildirir

Son bir ildə Azərbaycanda qiymətlər 23,37 faiz artıb. Ölkədə alternativ inflyasiyanı hesablayan İqtisadi Tədqiqatlar Mərkəzinin məlumatına görə, mart ayında qiymətlər 5,34 % artıb. İqisadi Tədqiqatlar Mərkəzinin hesablamalarına görə, ötən ay bahalaşmanın əsas səbəbi ərzaq malları olub. Burada qiymətlər 8,19 % artıb. Ən çox bahalaşan isə ət məhsulları olub, ət məhsulları bir ayda 18 faiz artıb.

Fransada «Aerobus» müəssisələrinin yüzlərlə işçisi tətilə başlayıb

İşçilər şirkətin yenidən qurulması adı altında zavodların satılmasına etiraz edirlər

Avropanın avikonserni «Aerobus»un Fransada yerləşən müəssisələrinin yüzlərlə işçisi tətillərə və etiraz aksiyalarına başlayıb. Verilən məlumata görə, işçilər şirkətin yenidən qurulması adı altında zavodların satılmasına etiraz edirlər.

Qərb ölkələrinin mağazalarında düyünün satışına məhdudiyyətlər qoyulub

Londonda bəzi mağazalar müştərilərə iki kisədən çox düyü satmırlar

Ərzaq məhsulları ilə bağlı problemlər artıq özünü Qərb ölkələrində də göstərməyə başlayıb. Artıq Böyük Britaniyada və Amerikada mağazalarda düyünün satışına məhdudiyyətlər qoyulub.

Azərbaycan banklarına qoyulan əmanətlərin miqdarı artırılıb

Artıq banklar müştəriləri cəlb etmək üçün bir sıra maraqlı xidmətlər də təklif edir

Hazırda Azərbaycanda banklara qoyulan əmanətlərin miqdarı 3 milyard 630 milyon manatdır. Bu məbləğ keçən ildən 446 milyon manat çoxdur.

Neftin və qızılın qiyməti ucuzlaşmağa başlayıb

Son bir ay ərzində qızılın qiyməti ilk dəfə 900 $-dan aşağı düşüb

Dünya bazarlarında sürətlə bahalaşan neft və qızılın qiyməti yenidən aşağı düşməyə başlayıb. Ötən gün Nyu-York birjasında qızılın qiyməti 2,2 % ucuzlaşaraq bu ay ərzində ilk dəfə olaraq 900 $-dan aşağı düşüb. İndi qızılın bir unsiyası 880 $ və ya qramı 28,5 dollardır. Gümüşün qiyməti də 3 % ucuzlaşıb.